Ыам ыйын 26 күнүгэр Арассыыйатааҕы бибилэтиэкэ күнүгэр Бээдитээҕи олохтоох бибилэтиэкэҕэ үгэскэ кубулуйбут «Сила книги-2026» VIII сетевой эрэгийиэннэр икки ардыларынааҕы аахсыйа ыытыллынна. 2019 сылтан СӨ Национальнай библиотеката кинигэни, ааҕыыны тарҕатар сыалтан араас таһымнаах тэрээһиннэри  ыытар. Быйыл ахсыс төгүлүн ыытыллар «Сила книги» диэн улахан аахсыйа өрөспүүбүлүкэҕэ култуура сылыгар ананна. Олохтоох бибилэтиэкэ бу аахсыйаҕа сылын аайы кыттар. Быйыл ыалдьытынан элбэх оҕолоох ийэ – Захарова Ангелина Геннадиевна буолла. Кини Владимир Михайлович Санги – нивх суруйааччытын туһунан оҕолорго кэпсээтэ, билиһиннэрдэ. Александр Николаевич Жирков тылбааһыгар «Куба кыыс» остуоруйатын ааҕан иһитиннэрдэ. «Сила книги» аахсыйа ааҕааччытыгар махтанан туран Махтал сурук уонна истибит бүгүҥҥү акция кыттыылаахтарыгар Туоһу суруктар туттарылыннылар. Оҕолор ааҕыллыбыт айымньыны олус сэргээн иһиттилэр, ыйытыктарга эппиэттээтилэр уонна «Мин кимминий?» диэн таайбараҥ – оонньууга олус көхтөөхтүк кыттан астынан тарҕастылар. (Уопсайа бу аахсыйаҕа 14 киһи кыттыыны ылла, онтон оҕото – 10).