- Информация о материале
- Автор: Super User
Кинигэ — билии-көрүү бараммат баайа, өй-санаа уостубат кылаата. Бөһүөлэкпит библиотекатыгар Дүпсүн орто оскуолатын 1967 сыллааҕы выпускниктара классик суруйааччыларын хас эмэ туомун, кыратыттан, улаханыгар диэри саастаах дьоӈӈо аналлаах олус интириэһинэй, араас хабааннаах кинигэлэри бэлэх ууннулар (104 устуука). Бу олус истиӈ уонна үтүө көҕүлээһин иккис бэлэҕэ буолар. Ол курдук саас 1967 выпускниктар библиотекабытыгар 54 устуука кинигэ бэлэхтээн библиотека пуондатын хаӈаппыттара. Бу кинигэлэр бөһүөлэк олохтоохторун ааҕар кэскиллэрин байытыахтара, библиотекаҕа ааҕааччылары тардыахтара. Күндү бэлэх ууммут дьоммутугар Бээдибит бөһүөлэгин олохтоохторун, "Куруку" КСК коллективын уонна Бээди библиотекатын аатыттан үтүө дьыалаҕыт иһин ис сүрэхтэн истиӈ махталбытын, ытыктабылбытын тиэрдэбит. Баҕарабыт эһиэхэ ыраас халлааны, этэӈӈэ, чэгиэн-чэбдик буолууну, дьолу, дьоһун олоҕу, эһигини кытта ситиһии сиэттистин, дуоһуйуу доҕордостун!
- Информация о материале
- Автор: Super User
Саха Өрөспүүбүлүкэтигэр Култуура сылынан, Саха уһулуччулаах уопсастыбыннай бэлитиичэскэй диэйэтэлэ, саха интеллигенциятын бастыҥ лидера, биир дойдулаахпыт, киэҥ туттар киһибит Василий Васильевич Никифоров - Күлүмнүүр төрөөбүтэ 160 сылынан “Күлүмнүүр күнэ барыбытыгар тыгар” Дүпсүн нэһилиэгэр ыытыллыбыт Үрүҥ Тунах ыһыаҕар «Норуокка анаммыт олох» В.В. Никифоров олоҕун, айар үлэтин көрдөрөр быыстапка турда. Быыстапкаҕа улуустааҕы Сэһэн Ардьакыап аатынан түмэл сэдэх маллара, матырыйааллара эбэн, ситэрэн биэрэн быыстапкабытын олус киэргэттэ. Василий Васильевич Никифоров - Күлүмнүүр хаан уруу сиэнэ Любовь Геннадьевна Никифорова уонна Валентина Андриановна Расторгуева быыстапкаҕа күндү ыалдьыт буоллулар. Ирэ-хоро истиҥник сэһэргэһэн, дьонун туһунан олус элбэҕи кэпсээтэ, билиһиннэрдэ уонна ийэтэ уруһуйдаабыт хартыынатын аҕалан көрдөрөн дьон интириэһин олус татта. Быыстапканы көрбүт дьоннор сэҥээрдилэр, хайҕаатылар. Любовь Геннадьевна, Валентина Андриановна Дүпсүн дьонун –сэргэтин кытары алгыс ылан, Н.Литвинцев «Күлүмнүүр күлүмнээ» испиктээгин көрөн Любовь Геннадьевна сэҥээрдэ, эбэм Варвара уобараһын олус бэккэ тиэттигит диэн махтал тылларын эттэ. Ол кэннэ эбиэттээн баран В.В.Никифоров Күлүмнүүр аатынан оҕону эбии үөрэхтээһин технопаркатыгар экскурсиялаан, түмэллэри, олорбут дьиэтин көрөн, сылдьан баран өбүгэтин алааһыгар Нэриликигэ бара сырыттыбыт. Алаас кэтэспит курдук иһийэн, чэлгийэн, күөрэгэй ырыалаах көрүстэ. Любовь Геннадьевна уһаайбатыгар тиийэн арыылаах алаадьынан күндүлээтэ, бэл атыыр сылгы үөрүнээн кэлэн ытыһыттан алаадьы сиэтэ. Истиҥ көрсүһүү кэнниттэн балаҕан ыйыгар Дүпсүҥҥэ көрсүөхпүт диэн былааннаатыбыт.
Бүгүҥҥү күн ыраас халлаааннаах, чаҕылхай күннээх ураты бэлиэ күн буолла.
Сиһилии быыстапканы бу сигэнэн киирэн көрүҥ. https://vkvideo.ru/video-212682055_456239019?list=847e0eaee8a9077194
Страница 1 из 29
