Информация о материале
Категория: Исторические события
Просмотров: 206

Дүпсүн нэһилиэгиттэн Аҕа дойду Улуу сэриитигэр 220 буойун  ыҥырыллан барбыта. Төрөөбүт дойдуларыгар 122 буойун төннүбэтэхтэрэ. Сырдык тыыннарын толук уурбуттара. 98 буойун кыайыы кынаттанан дойдуларыгар төннөн кэлэн эйэлээх олоҕу тутуспутара. Кинилэртэн үгүстэрин ийэлэригэр, аҕаларыгар уолгут кыргыс толоонугар хорсуннук оҕунна, сураҕа суох сүттэ диэн «хара сурук» кэлитэлээбиттэрэ. Сэрии сылларыгар оҕолорун кыргыһыы хонуутугар атаарбыт, этэҥҥэ эргиллэн кэлэллэрин тулуйбакка-тэһийбэккэ күүппүт ийэлэр, аҕалар үгүстэрэ Кыайыы күнүгэр тиийээхтээбэтэхтэрэ. Оттон Кыайыы күнүгэр ыар сүтүктээх, харах уулаах көрсүбүт ийэлэр сэрии толоонугар охтубут, сураҕа суох сүппүт уолаттарын күн аайы күүтэллэрэ. «Баҕар кэлиэ» диэннэр кэһиилэрин уураллара. Кинилэр, орто дойдуттан арахсыахтарыгар диэри бүтэйдэригэр өйөнөн туран, алаастан тахсар аартыгы кэтииллэрэ, сэриигэ атаарбыт оҕолорун күүтэллэрэ…

https://docs.google.com/presentation/d/106jbxXqBvO4RlyaytOCZIPmBC3OJMGAM/edit?usp=sharing&ouid=116307478792629990484&rtpof=true&sd=true